讀中史個陣唔少都話唐代國力強大（中前期個陣），不過唔少歷史學者都認同唐代之所以強大好多嘢都係隋代時已經開創咗。隋代國祚雖然僅僅39年，但國力其實相當強大。
其中一個體現就係唐朝對南方海域以至依家東南亞一帶嘅影響力，都係承繼隋代嘅影響力。响《隋書》中所提到，隋煬帝經略南海以南地區（大概係今日廣東以南地區），當時南海以南有林邑、赤土、真臘、婆利國等小國。據《隋書》所載，隋煬帝派常駿、王君政等出使赤土國，赤土國國王遣兒子隨常駿等到中土，結果煬帝大悅，賜常駿等帛各百匹，時服一襲而遣。齎物五千段，以賜赤土王。此外，據《隋書》所載，真臘國曾於大業十二年遣使朝貢。
由此可見，早於隋代中土政權影響力已伸延至南洋一帶，南洋諸國均多來朝貢，但只係隋國祚太短，唐代李氏政權就响呢個基礎上建立威名遠播嘅大帝國。
原圖嚟自網絡